Drugi daon

Kad su videli kaj su ova dva naredili, si su se posvađali. Svađa je bila tak velika da drevo kaj je od sekirancije postalo grev koji oprostiti nisu mogli, prokleli su zemlu. Zeli su iz ruke mrtvoga čoveka kaj su nazvali Sekel oruđe koju su nazvali sekira.

Bes je nastal među ljudmi kaj je ovaj naredil. Nisu znali kaj bi sa sekirom. Ni više kamena bilo da bi male grane sekli neg je sekira posekla stablo posvećeno u svetu.

Počeli su se plakati. Proklinjati a to nigdar nisu. Samo su blagoslivljali. Bes ih je lovil i ludilo kaj spoznati nisu mogli. Jeni druge vidli su ko nekakve nakaze, izobličena lica i nisu se mogli više prepoznati jer im je Zemla bila se kaj su znali.

Mira više nisu imali. Deset ih je bilo, a ova dva više nisu ni pokopali. Ostavili su ih kak su ih i našli. Jer više nisu jeni druge prepoznali, si su se razišli na sve strane sveta.

Jeden je ostal sa sekirom i zakopal ju je v Zemlu. Ostal je sam. I žena i njegvi svi su otišli. Otad vremena ni bilo. Samo znaki na nebu i znaki na Zemle. Taj jeden kaj je ostal ni se imal s kem spominati. Našel si je mesto de su lesice skopale jamu. Ali bilo mu je prevusko da zajde nuter. Našel si je mesto de je jazavec skopal jamu ali bilo mu je prevusko. Našel si je mesto de je bil pesek i kroz pesek se probijalo korenje bukve. Tu mu je bilo ajn ca.

Usnul je i imal je sne. Pesek mu se cedil u usta i oči. Naredil je vatru. Otišel je po sekiru s velikim stravom. Del ju je na ogenj iskopanu da vidi jel ju more uništiti. Palil je kres i još kresa i još kresa. Nikak da se rastopi.

Kak je ojađen i sam bil počel se je česati po glave i brade zrno peska opalo je na sekiru. Užarilo se i rastopilo. Kad je to videl ni znal kak se pesek more užariti i rastopiti. Zel je šaku peska i hitil na sekiru i mam se je sve zgasilo.

Ponovo je natedil kres. I se isto napravil. Kad se sekira užarila ni hitil šaku neg par zrncof peska na sekiru i one se se rastopile.

Oči su mu se zacaklile. Plakal se. Kad je plač bil gotov i ogenj se zgasil. Zel je kamen da skupi pesek kaj se rastopil. Počel je strugati. Kad je počel strugati, nekaj je puklo i v oko mu se zabilo. Jeno oko ni moglo prestati plakati. Zvadil si je oko van s kamenom i ostal z jenim okom.

Ni nikoga bilo i nikom ni mogel povedati da se i pesek more rastopiti. I da kad se rastopi, da je gori od sekire.